رسالة عتاب

ايام عدّت فاقدٍ(ن) لي ابتسامة // من شخص أعزه حيل وزعلان مابيه..

كله سبب جرح(ن) صعيب التائمه//يتعب له الدكتور ويقول وش فيه..

واقوله له جرح الرفيق وكلامه //سكين واستقبلتها بإيه لبيه..

طعنه يده ترسم بجوفي علامه//مديت له كفّي وانا اقول له ليه؟؟..

قالت ترى صابتك وسط الزحامه//وسكينها في الصدر بانت مواريه..

طعنة خطأ في ليل زايد ظلامه//وغطت براءة وجه في داخل ايديه..

خافت عسى ماحمود قوّم قيامه//ويالله عسى مايصيبها شيء اسويه.

وخافت انا اعلن ثورةٍ(ن) وانتقامه//وتخاف من شيء اخططه وانويه..

ماتدري ان الي بيوم اهتمامه//حسيت به ماضن اضرّه ولا اوذيه..

لكن اذا تبغين علمٍ (ن) بفهامه//من رأس مادور لـزله مصافيه..

على كثر ما انكرك فيني كرامه// وعلى كثر ماقلت ياليه ياليه 

وعلى كثر ما فالصدر لك ملامه//مسامحك ولاعاد فيني مشاريه..

مسامحك يالغاليه با ابتسامه//لآني اعرفك وابخص بدرب تمشيه..

وادري بان قلبك شعاره حمامه//واحس فيك وبطيبة احساس قانيه..

هاتي يدك شاعر وجاك اهتمامه//وانسان يحترمك وشعورك يداريه..

مدي كفوفك واعلني في التحامه//ونرجع لدرب راسمينه ونبنيه..

دام الهجر ماجاب غير الندامه//وطريقنا صعب علينا ونطريه..

بناقف بدرب التهلكه وبصرامه//وكلٍ(ن) يخفف عن صحيبه تغلّيه..

وصدر كسبك وزاد لك احترامه//وده يعبر عنك فابيات تعنيه..

بهديك شيء غالي(ن) في مقامه //مايشبه الا فعل ربعك وطاريه..

وباسوق ورد معطرٍ(ن) بالفخامه//واصبّحه لا اصبح ولا امسى امسّيه..

ومزعلّه اصله وآلعن رحامه // واطى على صابره واطى علابيه..

وادق خشمٍ(ن) زايد(ن) به عرامه//لانه مزعل سيد الحسن والتيه..

هذه مها بالزين زادت بشامه//سادت على كل البني بحسن زاهيه..

مها عسى فالك دروب السلامة//يالله بصحة حول جسمك تغطيه..