حــبـيـت لــي مـخـلـوق ،، لــحــد الـجــنــون
وخــاويــت هـمــي ،، والــحـزن فـيني تــكـى
قـلبي مــن اسبابــه ، شـكـى كـثـر الطعون
ولـــيــتـــه تــعـلّـم ، مــن كــثـر مـا قــد شكى
صـــرت اتـمـنى ، قـسـوة الــقـلـب الـحـنــون
والــعـــب مــع الــي حـبــني ، لـــعـبـة ذكــى
مــا كـان قـلبـي ، مــغــرم بــمــن هــو يخون
ولا شــفــت هــمـي دايـــم بـجـنـبي ، ركـــى
ولـــوٍّ إن قـلــبي فـــالمــحـبـه ، مـــا يـصـــون
مــا كــان شــفت حــمــود ساكت ، مــاحكى
اهـــب يـــا وقــــتٍ بـــه الــحـر ، مــغـــبـــون
مــا هــو غــريب ، ان شــفــت رجــــــالٍ بكى
#حمود_الصميلي
.............
قــولــولـها لـو كـان مــا هــو ودّي
البــعــد عنهــا فيه راحــة بــاليً
عــذاب قــلبي يــوم اجرّب صـدي
لـــكــــن تراه اشــوالــهــا واشوالي
وقــولــو لــهــا خــوفي يبيّح سـدّي
في جوف صدري كن فيه الصالي
فــي حــبّــها مـا احدٍ يجي في ندّي
ومن حبها بان الـشـقـا فـي حـالـي
عـشـت العنـا كلـي امل في غدّي
وغـدّي يــزيـد بــهـــمّـي وغـربـالـي
سـقـيـتـهـا لـين ارتـوت مـن عـدّي
صــافــي قـراحٍ عــذب مـــاه زلالــي
وجـنـيت مـنٓـهـا كـل شـيءٍ ضـدّي
وش عـــاد بـاقـــي دام هــذا فـالـي
صرت الـضحـيه بـين هاك وشدّي
اتـعـب وغـيـري في نـعيمي سالي
يـلعب بـقلبـي و الــبلا انّـي جـدي
جـيـته وفـا والـموت مـنه اوفالي
ودامـه مـاهو في مستواي وقدّي
وش هو له ارخص له قدر منزالي
احـسـن لـي ابـعد عـنه لو ماودّي
واشـري هـوى نفسي وراحـة بالي
#حمود_الصميلي
....................
2-10-1429 هـ
ثانـي عيـاد الفطـر تسعـة وعشـريـن=والنـاس فــي زحـمـة تـبـادل تهـانـي
جاني اتصال يحمل اسوى المضامين=حـكـم بـــلا رحـمــة ولا بـــه تـفـانـي
حكـم غــراب البـيـن فـرقـى حبيبـيـن=إلـــى الأبـــد مـنــه تـزلــزل كـيـانــي
وفي داخلـي حسيـت مثـل البراكيـن=مـع صيحـة بالجـوف وسـط المحانـي
وشريان قلبـي فيـه مثـل السكاكيـن=وغـصـة حــزن منـهـا تبـلـم لـسـانـي
ارجـوك كفـي دمـعـك الـيـوم ياعـيـن=كـفـيـه دامـــه فـاضـحـك بـالـعـلانـي
لــو البـكـى ياعـيـن يـرجــع عـزيـزيـن=لأبكـي اليـن يـعـود مــن كــان فـانـي
لكـن تـرى مايفيـد لـو هـو بعـد حـيـن=يكفـي ثـلاث سنـيـن دمـعـي بـلانـي
ثالث سنـة مـرة علـى فراقنـا الشيـن=ولا هـو بكيفـي يــوم خـلـي جفـانـي
ثالـث سنـة وحبـه بقلبـي لهـا الحيـن=كـنـه بـحــر مـالــه حـــدود ومـوانــي
والحيـن راح وصــار ضـمـن المقفـيـن=غـيَــب ولـلـذكـرى تـركـنـي اعــانــي
وشـريـط ذكــرى حبـنـا والمضـامـيـن=ايـام حلـوة تحمـل اسمـى المعـانـي
وش فايـد الذكـرى لـمـاض المحبـيـن=دامـه رحـل واقـفـى وفــات الاوانــي
#حمود_الصميلي
،،،،،،،،،،،،،،،،،،،،،
سبايب غيابي
لا تسألونـي عــن سبـايـب غيـابـي
ولا احد يقـول حمـود ماهـو بموجـود
لا والله الا حـــان مـوتــي وعـذابــي
يوم انهـا راحت عـن العيـن ياسعـود
قـفـت وخلـتـنـي ولا أحـــد درابـــي
وخلـت دموعـي دم بعيونـي السـود
قالـت قبـل ماتـروح يـا حمـود مابـي
تنسى وتسلى عني بيوم يا حمـود
ياحمـود حضـي بيـد غـيـرك رمـابـي
وزمانـي اسقانـي مـن المـر قرهـود
ياحمـود انـا احـبـك وحـبـك طغـابـي
حبـك بقلبـي دايــم الــدوم مـمـدود
لحضـة هـدؤ عمـت وتنـطـر جـوابـي
جاوبـت أنـا بسكـات مجبـر ومحـدود
وراحت بعدها صحت من حـر مابـي
انعـى زمانـن كـلـه اوعــود واجـحـود
اصيح با اعلـى صـوت يامـن غدابـي
اسمع كلامي يمدي لهجـر وصـدود
انـــا احـبــك لا تـزيــد الـعـنــا بــــي
حبـك تمـكـن داخــل القـلـب ويــزود
قـصـة انــا بنـسـاك لا يــا ياشبـابـي
الا اذا انـي صـرت فـي ظلمـة لحـود
ثـم وقتـهـا تـعـرف سبـايـب غيـابـي
ويحـق قـول حمـود مـاهـو بمـوجـود
وتعرف سبايـب موتتـي مـع عذابـي
بأسباب من قفت عن العين ياسعود
#حمود_الصميلي
مرسلة بواسطة حمود الصميلي في 3:19 ص
#حمود_الصميلي
،،،،،،،،،،،،،،،،،،،،
اذا تسأل عن اسباب الكئابه
وليه حمود ما عنده رحابه
وعن دمع حدر من موق عيني
وعن قلبي وش أسباب الشقابه
أذا ياصاحبي تبغى الوكايد
على أسئلتك أخذ مني الإجابه
أنا ضايق وحزني محتويني
وأشوف الكون في عيني ذبابه
سبايب من ملك قلبي وروحي
وملك فكري وأخذ عقلي وغدابه
اليى من قلت أحبك صد عني
وأخذ عقلي وقفى به نهابه
علامه صار ضدي ليه مدري
بعد ماكان عنوان الوفا به
إذا قصده عذاب القلب يكفي
ترفق ياعنا القلب وعذابه
وإذا قصده يذل حمود ياخي
صحيح الحب إهانة لاغرابه
وإذا عملته هذي يختبرني
أمانه وصلوني لحد بابه
كلام عندي ونفسي أقوله
عساه يحن لي ويعلن أيابه
أنا بسأل عن أشياء كثيرة
وأبي منك تجهز للإجابه
أبيك تشوف جرح وسط جوفي
تمكن داخلي وأحكم صوابه
ابسأل عن سبب هالجرح منهو؟
عساه يداوي جرحي وألتهابه
وعن عينٍ سهرها صار عادة؟
ودمعة حزن من ضاق الملا به
ياريم إن كان حبك من عيوبي
هلابه زود من قلبي هلابه
وإذا ياريم بتزيدي صدودك
عسى عمري يعجل في غيابه
مرسلة بواسطة حمود الصميلي في 3:17 ص
،،،،،،،،،،،،،،،،،،
سلوم وعوايد
جتني ومن شفتها ضاقت علي السبول
فيها انكسار وخضوع وحزن ماله مثيل
سالتها بعد صمت سادني مع فضول
وش فيك قولي علامه صار جسمك نحيل
كنت أنطر شفاتها عل وعساها تقول
تشكي من أحد مزعلها ومن ذالقبيل
لحضة أفقت ونضرت لعينها في ذهول
محبوب قلبي علام دموع عينه تسيل
وفي عيونها حلمنا شفته بسرعة يزول
وعرفت من عينها معنى قرار الرحيل
ضميتها وداخلي حسرة تصول وتجول
ثم صحت فيها أحبك وعاجز إني أشيل
هم الغياب المفاجي والسهر فالليول
فرقاك نار لها في وسط كبدي مقيل
قالت ترى غيركم ماله بقلبي قبول
لو إغصبوني عليه أنا لغيرك ما أميل
مادام هم وافقوا ما تجهل أنت الأصول
الرأي لرجالنا ما للمره ربع قيل
هذه سلوم وعوايد قبل عهد الرسول
أنا غصبوني وغيرك مانجرب بديل
ياحمود دنياي دونك مظلمة في نزول
لاا تنتهي عند ريم روح دور سبيل
ثم صحت ياريم غيرك تسلية بالعقول
وقلبي لك أنتي فقط ولا ندور زميل
وقبل نسافر ونخضع للزمن دون حول
وقبل أختم سطور قلب يشتكي بهمس ليل
ياريم أحبك أحبك يالمها يالخجول
ياريم غيرك تمنى يكون بعدك بديل
وياريم في فراقكم ماذا عسانا نقول
الله حسيبي ع الفرقى ونعم الوكيل
مرسلة بواسطة حمود الصميلي في 3:00 ص
،،،،،،،،،،،،،،،،،،،،،،،،،
يكفيني اليى سمعت من السوالف سليت
عن شيٍ بوسط صدري مافرحبه عدا
وفيت والا هفيت او جعلني ما هفيت
اهب ياذا الزمن كيف الوفا به غدا
اشيل همي معي واروحبه كمبليت
وازم فوق المتون الين ماله مدا
واكن خلف الضلوع ولاجهلت وغديت
وكل ما اعترض في طريقي شي قلنا فدا
صحيح ما قد خذيت الا ومثله عطيت
اخترت درب المراجل ماني الي حدا
ولا كل منهو عرفته فيه كل مابغيت
كم واحدٍ كنت اضنه مير ماجاء قدا
لكن عزايه بسوق الطيب بعت وشريت
ولا همني من يجازي كل طيّب ردا
#حمود_الصميلي
